ياوطن لا تهتم ....

جيتك ياوطن احمل الهـــــــم البيك
.......وبزنودي السمر ارفع معاناتــــــــك
ميهمني التعب متهمنــــــي الالام
.......همني الحزن الي غطى بسماتك
وترجع ياوطن قبلة للأحــــــــــرار
.......وترجع بالكرامة تعلى راياتـــــــــك
ترجع مضيف يعزب الخطــــــــــار
.......وبنيران المواقد تصف دلاتــــــــــك
اصبر ياوطن ليل الشتا طويــــــل
.......بس يخلص ترة وترجع حماماتــك
ترجع طيور الحب والعصافيــــــــر
.......وترجع اوراد المحبة بكل حديقاتك
اصبر ياوطن بيك والله سبــــــاع
.......تفدي الروح بس تشوف ضحكاتك
عندك زلم ياوطن متنام عـــــالظيم
.......وسفة شلون تبقى ظلمة سهراتك
يا قمر زاهر بين النجـــــوم تنير
.......تاريخ وحضارة بكل مجالاتــــــــك
عراق اصبر ياموطن الشجعـــــان
.......قسم بالله ورسولة نعلي راياتـــك

بقلمي وباللهجة العراقية