جابكـ الله.....

أعرف إنك ما تصدق..بس والله فوق والله
والله إنه راح مني نصف عمري في غيابك
وأعرف إني شلت همي تارآك حبي على الله
كني أبعد من نجوم الليل وأقرب من ثيابك
يا عساك ويا عساني ويا عسانا ويا عسى الله
يعسى الدنيا تمـوت وما يعيش إلا ترابك
يا أحبك وأعشقك وأهواك وإلا يفتح الله
ماتعودت أفتخر بأحساسي إلا تحت بابك
إيه أحبك والقضيه واضحه والشاهد الله
يطرد المظلوم خصمه وأنت خصمي يا هلابك
يا هلابك يوم تجرح خافقي ويسامح الله
يا هلابك يوم تلحق غيمتي وألحق سرابك
جابك الله في حياتي يا حياتي جابك الله
ليش؟ مدري وين؟ مدري كيف؟ مدري بس جابك
كل ما قلت... أبتدينا بالمحبه قلت.. يلّه
مادريت إن النهايه بين بعدك وأقترابك
أنظلمت ولا شكيت وتركت الأمر ل..الله
كان همي أنتظر باقي عذابك في عذابك
الله الله.. أنتبه وأحذر وفكّر.. والله الله
مثل ما أحسب حسابي في هواك أحسب حسابك
ما طلبت المستحيل ولا رجيتك شي ل..لله
ما طلبتك أرتفع من حجرتي وأسكن سحابك
يصرخ القلب المعذب.. يالمعذب وكل الله
شاب حبك في عيوني وأنت توك في شبابك
رحت شي وجيت شي مختلف يا حسبك الله
تصدق إني ما بغيت أجلس مع حضرة جنابك
غير ذاك الزمان ويا زماني منك ل..لله
ليش ماغيّرت فيني شي يوم إني أهابك
ليش.. مايعطف حنانك علّي.. وتوّحد الله
يعرفون إنك سؤال ويعرفون إني جوابك
ويعرفون إني حلفت ولا أعرف أغلا من الله
والله إنه راح مني نصف عمري في غيابك

الله لايحرمنا منك حبيبتي يا نوارة المنتدى واطهر قلب تسلمي يا عمري