قاموس اردني ..اشي من الاخر..!!

مرحبا يا جماعة.......هي مجموعة مصطلحات اردنيه "شبابية" نوعا ما...يعني شغل الجيل الجديد
وهي:

طقع : ومعناها شغلة ممتازة او حلوة
ومن الكلمات المرادفة: دمااااار، حريقة ، اخو شلن ، أخو أخته

سقيطة : ضعيف وكل الناس ضربته وهزأته
من مرادفاتها : هتيشة

خاوة : يعني غصب عن إلي ما بده تصير الشغلة
من مرادفاتها :طبة

واصل : إلو حدا داعمه من جهة مهمة وهوا رافع راسه فيها
من مرادفاتها : مدعوم

لابـِد : معناها ساكت وما بيقدر يفتح ثمه بحرف واحد

حبطرش: كثيييييييييييييير
من مرادفاتها : لأبو موزة

بتموون : يعني بتطلب زي ما بدك مني، وتستخدم معها غالبا لفظة : على راسي

نشمي : يعني زلمة قد حاله بس للناس المحترمين

من الآخر : الى حد غير متوقع إلى حد عجيب يفوق ا لخيال
ورد

جخة : تعبر عن الاعجاب بالشيء
من مرادفاتها:طقع

يا ورديييييه : صيغة تعجب..لا مكان لها من الاعراب
وتتفرد اللغة الأردنية بهذا المصطلح دونا عن اللغات الأخرى

واقع : غير صالح للاستعمال
من مرادفاتها: مشطوب،عواية،خالص كازه

كبييييييير : كلمة تقال لشخص عمل شيئأ مفيدا وليس لها علاقة بالحجم.