جفون محروقة بتبكى

[frame="6 90"][align=center]صحيت الصبح بدرى
على صوت عالى ورهيب
كانت اصوات كتير
وبتصرخ زى نار
عالية بتحرق خشب
حاولت افتح عينيا
لسعتنى نار رهيبة
نيران كان لونها اسود
وريحتها ايه...رهيبة
لكن دى نار غريبة
نار باردة فى كل جسمى
بس بتحرق عيونى
كل اما افتح جفونى
صرخت انادى نفسى
قومى انت بتحلمى
ردت عليا قالت
الحلم ده بجد
عينيكى بتتحرق
وانت الى عارفة ليه
صرخت فيها قومى
مش عارفة افهم كلامك
قالت خلاص جفونك
ممكن تعرف تقولك
وفى لحظة النار دى راحت
ولقيت الجو تلج
وفتحت عيونى لكن
مش شايفة غير ظلام
وسمعت عيون بتبكى
بتقولى خلاص بقى
مش راح تشوفى تانى
هتعيشى فى شرنقة
وانت الى كنت عارفة
انى فى يوم هضيع
من كتر الى عملته
والى حرام وشفته
اجساد عريانة ترقص
وقتيل وراه قتيل
ومفاتن ماشية تضحك
وجعان بيموت ذليل
دى اخرة المهانة
وناس كتير جبانة
تشوف الحق تسكت
وتشوف الخيبة تضحك
ومش انت بس ابدا
الى تعيشى عامية
كل الناس الى تايهة
دى برضه عايشة عامية[