هجر الحبايب

هجــــــــــــــر الحبايب
هجر الحبايب ماحراق
البحر مايطفى ناره

القلب وارم ما يوم راق
عيل وتاه عن دياره
ياطبيبى اجرحلى جنبى

واشفى جميع المواجع
صرخ الطبيب قال ياقلبى
ولقيته ع الأرض واقع
اكشف جروحى ياطبيب
شوف اللى وارم فى جوفى
كشف الطبيب ع الوجيعه
نزلت دموعه سواقى

قال يابنى عمرك وديعه
ماحد ع الدنيا باقى
عرافه خطت بودعى
قالت طريقك خرايب
مكتوبلى أرحل بوجعى

وأسكن قبور الغرايب
اضربلى رملك يارمال
شوف اللى راح واللى آتى
وضربلى رمله وراح مال


قال شايف البعيد مواتى
وسألت عالم مجرب
فيه حد ع الدنيا خالى
وفتح كتابه وقلب
مالقيش اجابه لسؤالى
وصنعت لنفسى ناى
يبكى وصوته شجانى
طيف الحبايب على غاب


ياما أنتظرته ماجانى
أنا قلبى دايب ومعلول
سهر الليالى كاوينى
الفرح جوايا مشلول

ياصرخ ومين حيداوينى
توب المحبه لبسناه
لقيناه مهلهل ودايب
درب المودة عشقناه

زود علينا المصايب
ونظرت من خرم بابى
على قد نظرى ماواعى
ع السكة مرسوم عذابى

فرشوا طريقى أفاعى
هجر الحبايب ماحراق
البحر مايطفى ناره
القلب وارم مايوم راق
عيل وتاه عن دياره

هجــــــــــــــر الحبايب
هجر الحبايب ماحراق
البحر مايطفى ناره