اسقاط الشباب الفلسطيني في مستنقع العماله

تحيه بنوجها من ارضنا الصامده لاخوانا في كل مكان عامه وفي منتديات عزون خاصه
الموضوع راح يكون عن مأساه بنعانيها وصارت روتين في حياتنا كفلسطينيين وهي

العملاء


طبعا في بدايه الموضوع

البعض راح يحكي انا في حالي وهاذ الشي مالي دخل فيه
او البعض يحكي انا بنت وهاذه الاشياء ما بتخصني
او البعض يحكي انه بدي ادرس واطلع اشتغل بره وما بحب اوجع راسي بهيك قصص
وغيره كثير من هالاشياء
لكن كم من بنت كان همها بتبني اسره وتعيش باقي الناس ووقعت بطريق ما له رجعه وكم من رجال كان همه انه ما يخلي اولاده محتاجين فصار اكبر عبء على حياتهم
لكن باكدلكم بمجرد انك فلسطيني شريف فهاذ اكبر خطر راح تتعرض اله


الموضوع راح يحكي عن اكبر خطر بنعانيه في مجتمعنا عن داء صعب انه يكون اله دواء

عن فئه من المجتمع اصرت انها تكون احذيه في اقدام اسيادها

طبعا اول شي راح اعمل لمحه او فهرس عن محتوى الموضوع 1


مقدمه عن العملاء
1- طرق ارتباطهم بتنقسم لقسمين ارتباط الشباب وارتباط البنات
2- طرق التعامل معهم


ونبدا في المقدمه
العملاء
اكبر خطر بنعاني منه في فلسطين
بحكوا الايدز داء العصر بنحكيلهم غلطانين عنا الي اخطر من الايدز عنا مرض بنتقل بالكلام وبقتل بالعيون
عنا مرض ما بعرف قريب ولا غريب ما بعرف اخ ولا عدو
عنا مرض الحيوانات ما قبلته على نفسها لكن منا مين قبله وصار عبد اله
العماله او بالاصح الخيانه
بمجرد سماع هاذه الكلمه على الجميع الاخذ الحذر
فهي الغدر من الخلف و الامام
وهي القتل بالليل والنهار
وهي الحقاره في كل مكان
يصعب على الانسان ان يجد كلمات لتصف هاذه الكلمه الحقير بكل معنى الكلمه
العملاء
عباره عن شياطين عجزت الشياطين انفسهم ان تصل لنصف حقارتهم وخاينتهم فتجد المكان الي يوجد فيه عملاء تتركه الشياطين وهنا الفاجعه مع أي اناس نتعامل
البعض بحكي انه العميل هو الي بتصل على اليهود وبحكيلهم فلان واقف في المكان المحدد وهاي شغلته
بس بنقول انكم غلطانين العملاء اكثر من هيك بكثير
من اعمالهم اسقاط وتجنيد عملاء اخرين للمخابرات
فمستعدين يجندوا اخوتهم اخواتهم امهاتهم كل اقربائهم وكل انسان يعرفوا وصدقواني ما في مبالغه بالحكي وفي قصص بشيب الشعر لما يسمع فيها ومنها عملاء بقوموا بعمليات اسقاط لامياتهم ولاخواتهم وصدقوني كلهن قصص ماخوذه من اعترافات لعملاء وغيره اكثر
ومن اعمالهم تصفيت المجاهدين والمقاومين
في الماضي كانوا يبلغوا عنهم اليوم صاروا همي الي يقتلوا والمقابل مبلغ من المال ما بوصل الف شيكل في الشهر
سبحان الله حيات انسان باع دنيته عشان وطنه ما بوصل الف شيكل عند كلب مثل هيك
ومن اعمالهم المراقبه
فبتشوفهم في كل مكان فيه تجمع
مثل عند المساجد
عند السوق
عند صالات الاعراس
في الجامعات
بكونوا على البسطات يبيعوا
وكل هاي الامكنه بتعطيهم المجال لمراقبه كافه الناس وبطريقه ما بتثير أي شبهات لكن الانسان الي عنده بصيره وملاحظه بعرفلهم من عيونهم فبكفي انك تتطلع في عيون الواحد حتى تعرف انه مش مزبوط
طرق اسقاط الشباب في فخ العماله
طرق اسقاط الشباب تقريبا معروفه
* واحد عن طريق المال فدايما العملاء ببحثوا عن الشباب الي وضعهم المالي صعب وعندهم ضعف في الشخصيه فبكون استقطابهم سهل ووقعوعهم في فخ العماله اسهل
* اما اذا كان وضع الشب المالي ممتاز بتعاملوا معه بطريقه ثانيه وهي طريقه الجنس وهي بكون مفعولها اقوى ومقاومتها صعبه لانه في لحظه كشف امر الشب بكون اضعف من اضعف ضعيف على وجه الارض ولما تتم وضعه اما خيارين لا ثالث الهم الاول الارتباط والعماله والثاني الفضيحه
وبنقول لشباب كلمه وحده والواحد يحطه دايما قدامه الزاني يزنى به ولو في عقر داره
بكفي انك تعرف هاذ الحديث حتى تحسب مليون حساب قبل ما تفكر في شي يغضب ربنا

اما طرق اسقاط البنات وهي الاهم كونوا معظم الشباب عندهم ثقافه وخلفيه عن الموضوع اما البنات فيمكن ما بسمعوا شي بهاي القصص
اول شي عن طريق المال والبنات الي بكونن مستهدفات هني بنات الجامعه في معظم هاذه الحالات
البنت بالجامعه بتشوف هاي وهذيك ولبس وتصرفات شكل وطبعا بكون وضع والدها المادي بالكاد قادر يوفرلها مصروف يومي وقسط الجامعه عشان هيك بتبدى تبحث عن طرق ثانيه لتوفير المال ومتى ما ضفت فهي صيد سهل لجهاز المخابرات
طرق ثانيه وهي الاكثر استعمالا عند البنات وهي الجنس
طبعا عند الشباب استعمالها بقل لانه الشاب الي بكون يمشي خلق شهوته بكون مكشوف والكل بتجنبه اما البنت فالامر بالعكس معها فهي بتكون طعم لمعظم الشباب
طرق اسقاط البنت في هاي الطريقه
الحب
تبدا القصه عن طريق الحب وطبعا معروف عن البنت لما تحب بتضحي بكل شي عشان حبيبها وبكفي اكثر من لقاء حتى تفقد البنت شرفها وتصير مرتبطه بعد ما تخاف من الفضيحه
وهين راح احكي قصص اسقاط بنات في فخ العماله
1 بنت من الجامعه بتحكي كنت اطلع من الجامعه اشوف شب وسيم والطيبه في قلبه ويظل يطلع عليه وايام يلحقني ويوميا على هاذ الحال فبتحكي كنت مبسوطه انه في شب بلحقني وقتها كنت احس بانوثتي واستنى منه ولو كلمه حتى اتعرف عليه وبتقول بالفعل احدى المرات قرب عليه وسلم وقعد يحكي انه معجب وغرضه شريف وبده فرصه حتى يثبت نواياه اما البنت بتحكي انا بديت احبه او اعجب فيه وبالفعل اعطيته فرصه وطلب انه يعزمني في أي مكان انا بحدده ونتعرف وكان لقاء ولا في الاحلام مقابله مع شب بنسمع عنه في القصص اما يكون امامي فمستحيل اصدق وبديت احبه حتى الجنون اما هو فكان يعيش على الهوا الي بتنفسه وصارنا نتقابل كثير وما عدت اعرف انه الحياه ممكن تكون ممكنه بدونه وجاءت ساعه الصفر الشب طلب مني اروح معه واشوف البيت الي راح نبني فيه احلامنا وبعد ما نتفق على كل شي انه راح يتقدملي وبالفعل رحت معه على البيت وما اجتمع اثنان والا الشيطان كان ثالثهما والشب كان عامل حسابه وجايب معه منوم ووضعه في العصير وبمجرد ما شربته وصحيت كان هو اعتدى علي وصورني وبعدها بيومين تم تهديدي بالشريط والفضيحه وانه راح يوصل لاخوتي وبعدها كنت وقعت في الطريق الي ما منه رجعه وباقي حكايتي عندكم
فنصيحه لكل بنت
الكل بحب وبعشق لكن اذا كان الحب راح يخلينا نفرط بشرفنا فبنقول يروح الحب للجحيم ويضل شرفنا نجمه على جبين كل من نعرفه
طريقه ثانيه الكوافير
من اخطر الطرق واسهلها الي تتبعها المخابرات في اسقاط البنات في فخ المخابرات هي طريقه الكوافير وخاصه في المدن اكثر من القرى
طبعا طريقه الاسقاط عن طريق الكوافير بتكون كالتالي
بمجرد ما تدخل البنت على الصالون حتى تعمل شعرها او أي شي
فبكون الصالون بالعاده عباره عن غرفتين او قسمين
القسم الاول بكون للراحه والانتظار والثاني بكون الغرفه الرئيسيه الي بتكون في عدة التجميل وباقي الاشياء
طبعا بمجرد جلوس البنت على الكرسي ويبدا هاذ الرجل بالعمل ( بصراحه ما بعرف طريقه عملهم وكيف ببدوا ) لكن خلال قيام الرجل بعمله بقوم برش ماده مخدره على الضحيه بتكون عباره عن علبه على غلافها بكون عطر او أي شي غير ملفت للنظر ووقتها البنت بتوقع في نوم بالعاده ما بستمر النوم لساعه هيك طبيعه هاذ المنوم وفي هاي الفتره بقوم هاذ الرجل بالاعتداء على البنت وتصويرها ولما تصحى الوضع بكون طبيعي الرجل بكون يكمل في عمله والبنت بتفكر انها نامت للحظات وبعد ما تغادر المكان بتم استعدائها لمقابله المخابرات وهناك بتم مساومه الفتاه بالصور وشريط الفيدوا فاما تعمل مع جهاز المخابرات واما يتم فضيحتها
وحصلت قصه انتحار بنت في احدى المدن في الضفه حيث قامت بالقاء نفسها من شباك الغرفه واتوفت ولما دخلت امها على غرفتها عشان يشوفوا شو الي حصل لاقت رساله ومكتوب فيها انه الكوافير الي في القريه اعتدى عليها لما كانت تعمل شعرها عنده وانه المخابرات قامت بمقابلتها وعرض عليها العمل معهم او فضحها والسلطه اعتقلت هاذ الشيطان الي اعترف انه قام باسقاط اكثر من عشر فتيات من خلال عمله
فيا ريت من كل بنت قبل ما تروح على هيك محلات تحسب الف حساب قبل ما تخطي أي خطوه

وهسه راح احكي بعض القصص عن اسقاط بنات ما بتم عن طريق الحالات الي ذكرناها
بنت قامت بتقديم دعوه لصديقه الها عشان تزورها في البيت وتجرب فستان عندها المهم البنت حضرت لهاذ البيت وقامت بقياس الفستان قدام صديقتها وخلال تبدليها للفستان قامت البنت بتصويرها عاريه وكالعاده مواجه بالصور اما الفضيحه او العمل ما المخابرات

قصه ثانيه
شب كان بحب بنت طبعا الشب عميل والبنت لما بتحب بتبني احلام بتوصل للسحاب وطريقه الاسقاط كانت سهله للهاذ الشيطان حيث قام برش ماده مخدره على ورده وقام باهداء الورده للبنت وطبعا البنت اخذت الورده وروحت على الدار في والدار شمتها حتى اكلتها لكنها في الحقيقه كانت بتشم في هاي الماده المخدره واليوم مر على خير وثاني يوم بدت تشعر برغبه قويه لورده ثانيه واصحبت مدمنه على المخدرات دون علمها طبعا الشب مثل العاده اجى بنفس الموعد حتى يشوفها لكن ما معه ورده والبنت بدت تترجى فيه انه يعطيها ورده وهو وافق بشرط واحد انه تسمحله بالعبث معها او بنقول بالتحرش فيها وهي وافقت بس المهم انها تاخذ ورده وبالفعل قام صديق اله بتصويرهم وهي يعتدي عليها وبعدها اعطاها الورده وتم استدعائها للمخابرات واصبحت عميله ومدمنه
طبعا في قصص كثير
بس اتاكدوا شي واحد القصص مش خيال ولا تاليف والي بحب يتاكد بقدر يراجع أي تنظيم او أي واحد بعمل في السلطه وهو راح ياكده انه هاي القصص شي بسيط من الاعترافات الي عندهم
وطبعا ذكر القصص حتى نوخذ عبره منها وما نخظا الاخظاء الي وقعوا فيها غيرنا

طرق التعامل مع العملاء
في البدايه الحذر معرفه تصرفاتنا وسلبياتها معرفه الاشخاص الذين نتعامل معهم
طبيعة العملاء يكونوا ذات انحراف اخلاقي في معظم الاحيان ومثل هؤلاء الاشخاص وحتى ان لم يكونوا عملاء فالتعامل معهم شبهه وبدايه الطريق للانحراف
عدم التعامل معهم باي مواضيع مثل القيام بعمل معين او التدخل بموضوع معين يكون العميل او شخص منحرف طرف فيه
اما بالنسبه لابناء التنظيمات فعليهم بعض القواعد الامنيه في التعامل مع الاشخاص خارج الاطار التنظيمي
مثل 1+1= 11
أي ان السر اذا انتقل لشخص اخر فمعناه ان هناك احدى عشر شخص قد علموا فيه وليس اثنان فقط
وهناك قاعده اخرى تقول كل الناس خير وبركه وسرك الك
أي تعامل مع الناس ببساطه وطبيعيه لكن اسرار التنظيم او اسرار الاشخاص لاتخرج لاين كان
وهين راح اقول قصه حصلت معي
كان الي صديق في البلد هو مسؤول احدى التنظيمات عنا وكنا في معظم الوقت مع بعض اخر فتره كنت استغرب منه في بعض التصرفات وخاصه مع العملاء يعني كنا نمر عن واحد منهم كان هو يطرح السلام على العميل وكانه شخص عادي انا معرفتي لهاذ الشخص كانت تمنعني بمجرد التفكير انه يكون مش منيح لكن كنت استغرب كيف بسلم عليهم وكانهم ناس مثلنا وفي اخر مره كنا ماشين وفجاه وقف مع عميل وصاروا يضحكوا ويحكوا
صراحه انا كنت مستحي انه حدا يشوفنا شو راح يحكي عنا وبعد ما خلصوا حكي واحنا ماشين بحكيله شو قصتك مع الرجال شو بدك تصير عميل مثله فصار يضحك وحكالي بدك رقم تلفونه هيه معي وانا ساكت مستغرب الي بسمع فيه فبحكيلي شوف مفكر اني لما احكي معه راح احكيله اسرار التنظيم بتكون غلطان
العميل مثله مثل أي انسان حتى انه بكون في غباء واضح بكشفه بسهوله
انا بسلم عليهم وبحكي معهم عادي هم بفكروا انهم هيك بضحكوا عليه لكنهم ما بعرفوا اني بوخذ منهم معلومات وهمي بيضحكوا ومش عارفين شو القصه فبمجرد الواحد فيهم يسالني عن أي شخص من التنظيم بعرف انه هاذ الشخص صار تحت المراقبه ولما يسالوني عن أي موضوع بعرف انه في خرق عنا وبحاول اصلح الاخطاء
همي بفكروا انهم راح يوخذوا معلومات عن الشخص المعني وانا بقوم بتبليغه حتى يوخذ حذره وبعفيه من مهمات لو انكشف راح يشكف غيره
عشان هيك الي بده يتعامل معهم لازم يكون حذر لابعد الحدود لانه باي خطاء برتكبه راح يكون ماشي في طريقهم وهو مفكر حاله انه بضحك عليهم
وبالنسبه للاناس العاديين خلص يكون التعامل معهم ببساطه عدم اظهار حقدنا عليهم حتى لا نكون هدف لهم وعدم اعطائهم أي نوع من الاهتمام حتى لا نكون في موقع الشبهات ويجب علينا ان نعلم انه ليس بامكان أي شخص التعامل معهم من اجل استدراجهم في اخذ المعلومات فالشخص الي حكيت عنه هاذ ماخذ دورتين في السجن عن طريقه التعامل مع العملاء حتى يصبحوا عملاء لنا

وفي نهايه الموضوع بحب اقول بعض النقاط الي يجب معرفتها
في ناس بحكوا انا ممكن اعمل أي شي لكني مش ممكن اني اخون صاحبي
وناس بحكوا ممكن اعمل أي شي حرام خلقه ربنا لكني ما بفرط بشرفي
وكل ناس بحكوا انه عندهم خطوط حمر مستحيل التفكير بالتفريط منهن
لكن اعرفوا شي واحد العميل شخص مسلوب الاراده يفرط باي شي بمجرد تلقيه الاوامر والي بفرط بشرف امه وخواته بفرط باي شي وهناك اعترافات كامله لعملاء فيها اشياء صعب على العقل التخيل فيها

بالنسبه للبنات
بنعرف انكم عباره عن ملائكه على الارض الطيبه والعفويه من صفاتكم وانكم دايما بتعيشوا قصص حب بتحاولوا توجودا من خلالها انفسكم وحياتكم لكن اعرفوا شي واحد شو فائده الحب اذا راح ندمر كل من هم حولنا من اهل واصدقاء واقرباء شو فايده الحب اذا راح نفرط مقابله بالشرف والعفه وسمعت العائله كامله
اختي الغالي اعرفي انه أي انسان اذا طلب شي مش من حقه فهو ما بحبك وكل همه منك هو النيل منك وهو الحصول على جسدك وبعدها راح يتركك لا سمعه ولا حتى أي نوع احترام من اعز الاشخاص الك
وما تتركي قلبك يقودك لطريق نهايتك وما في انسان شريف وبحب بجد بطلب اشياء مش من حقه

شكرا لك يسلمو ايدك

ولا يهمك خيه الله يحميك............مع تحيات جبريل

وين الشباب وين مشاركاتكم هذا الموضوع بغايه الاهميه بدنا الكل يشارك

لازم بس شكلهم مشغولين بلعيد

يا سيدي كل عام وانت بخير وكل الشباب بخير وعيد سعيد وان شالله العيد الجاي واحنا محررين غزه

يسلموا اديك اخ جبريل على هيك موضوع مهم وهذا الموضوع بعاني منه الشعب الفلسطينه وخاصه الشباب الي في مقتبل العمر وشكرا الك على كل مواضيعك القيمه والمهمه وخاصه كل اعضاء المنتدى شباب وصبابا هذا المواضيع مهمه الهم ومع تحيات ابو وديع