اعشقه واعشق ترابه واندفن فيه حيه^

--------------------------------------------------------------------------------


قالوا حبيبك راح واختار دنياه
قلت ان تركني قربوا الموت ليّه

الموت ارحم من حياتي بلياه
يا كيف ببقى في حياتي هنيّة

يا موت خذني قبل لا شوف فرقاه
خذني دخيلك قبل تصبح عليّه

اختار غيري يوم انا حيل اهواه
اختارها لجل الحياة الدنيّة

ماقول غير الله يسامح خطاياه
ويجيه رزقه كل صبح وعشيّه

صحيح احبه واعشقه واتماشاه
لو هو تركني دون ذنب وخطية

ايه اعشقه والقلب عايش بذكراه
واعشق ترابه واندفن فيه حيّة

يا عين هلي دمعتك وقت طرياه
واسقي عيونه لا لفتني المنيّة

آهات من وقت ٍ حرمني ملاقاه
وآهات من حظ ٍ تركني ضحيّة

قسمة وكل ٍ في جبينه معاناة
وانا انكتب لي دايم ابقى شقيّة !