على لسان الحاظرين

رجل يتكلم بدمعة خلطت لحن اسى ... بضمير فلسطيني ... رجل بلغ من العمر ال 70 عايش كل نكسات بلدنا ... رجل يعد من ابسط الناس يقضي حياته الان في دار العبادة ... فشدني الفضول لاستدرج ذاكرته ... وكانه باب دق لكي تسمع الجواب ... قال :-
نحن وقفنا مع اخواننا في نابلس وقلقيلية وكفرقدوم و و و حال كاي حال قرية او مدينه فلسطينيه واقعه تحت الاحتلال ... تزامن حديثه من الانتفاضه الاولى الى الثانية يروي بطولات شعبنا .. ووقفت كل فلسطيني الى جانب اخاه سندا .. هذا ما كانت ...
انا : احكيلي عن فلسطين وشعبها من يوم ما انولدت على هذه الارض لليوم هاد ؟
الرجل : يا ابني شو بدي احكيلك لاحكيلك كلو نفس الشي اليوم شعبنا انولد في حروب وقتل وتشتيت وتهجير ..........
انا : عمي انتا عايشت الانتفاضه الاولى شو كانت تعمل الناس في هذاك الوقت ...
الرجل : يا ابني كنا اكثر من شب انلف على الدور لانشوف انو ناقصه شي انو بحاجه انو انو ... يعني كلنا بكينا متل دار وحده ...
انا : معقول بس انا خالطت الانتفاضة هاي وما شفت الي بتحكي عنو ...
الرجل : مش لازم اتشوف بعينك او تسمع بذانك بس احنا اتعودنا على هيك وربينا ولادنا على هيك
استأذنني لصلاة العصر ... وذهب ...
يتبع
سلملم

الرجل : لساتك بدك تعرف عن التاريخ العاصرته والا انسى ....
جاء مثقل الخطوات من دار العباده يتطلع في السماء شرقا وغربا كأنه يقول اغيثي من الم به فاجعه ....
انا : ليش لا عمي كل اذان صاغية وانا سعيد لاني استفزيت ذاكرتك ....
نظر الى وجهي ساخرا ويقول خليني اوصي علي كاسة شاي واشوف شو في خبر جديد وبرجعلك
نعم هنا في قرية عزون كما ارى ... الناس اصبح كلامها يحتوي سياسه اصبحت تقول غزة كذا وكذا ... ويتكلمون الى بعض هل رايت ما حدث ليلة امس ... هل رايت فلان ما قاله في البرنامج امس .... استعجبت في ذلك تحولت الكلامات الناطقه والذامه و القيل والقال ... الي كلمات كلها اسى وكلها سياسيه وكلها تروي قصة غزة في كل منظور شخص ....
اتاني بخبر غير مفرح طبعا ...
الرجل : يا ابني يالي بصير هذا لالو علاقة بانسانية ولا الو علاقه بحيوانية حتى . الله يعينهم بس
انا : عمي هذه حال الدنيا وكل واحد بجري لمصلحتو الخاصه لا ذمة ولا ضمير انا يا عمي الي قاتلني وحارق بصلتي الاطفال الي هناك الي راحو هيك عبث ...
الرجل : بعين الله يبني بعين الله ... الله بنساش حدا من عباده والو حكمتو في خلقو
خليني اكملك لما الناس كانت تسمع زمان بشي تلاقيها مع بعض ... تتذكر لما فاتوا المستوطنين البلد والشباب سكرو الشوارع وجهزو حالهم للمواجهة ... بذكر يومها في كفر ثلث سمعتوا في ذاني وهو ينادي في الجامع " يا اهل البلد ساعدو عزون المستوطين فاتوها ... وجيوس نفس الشي ... حتى يوما كنت على السطح البيت بطلع على الجبل الي بينا وبين كفر ثلث كانت السلاسل توقع وصوتها عالي من الناس الي كانت جايه اتساعد عزون ... وسمعت كيف هربو المستوطنين مذلولين بعدها .... شايف يا ابني مجرد قرى جنب بعضها وقفت مع بعض شوف شو عملوا على فكرة ما كان في سلاح ولا ما يحزنون ... بس المستوطنين محشيين سلاح ....
انا : صح عمي انا ما لحقتها بس خرفوني عنها ... بس كانوا في فخر في كلامك وانتا بتقول هاد الكلام ..
الرجل : هيه شوف شو بحكي الافندي طبعا فخر لانو لو شفت المنظر والناس اتساعد بعضها وهاذ يعطي سيجارة لواحد مقطوع ... صحيح انو ما فيها شي بس معنويا يا ابني انهم مع بعض ...
انا : ههههه بس اليوم غير شي اليوم يادوب مسيرة يطلعوا واذا طلعوا بتكون مقيده ... انا عارف يا خي زمان احسن من اليوم ...
الرجل : طيب اقعد اعوج واحكي صحيح .... هاذ الزمن زمن اخو فالته ... البنت اليوم بتقول لابوها ( وجه ساخر ) بابا بدي تلفون عشان احكي مع صاحباتي في الجامعه ... والا والولد يا خوي صار يلبس مسحول وراسو ملمطو جل شب واكشعيني يا مرة ... اي تفوووووووو علي هيك زمن ... على الحلال انو اذا كنت اقول لابوي بدي شايف كلمة بدي ... والله لا يحرق الاخضر واليابس من حولي ....
انا عارف ياخي شو الي صار ...
انا : يا عمي الناس بتقدم والا بترجع لورا ... زمنكم غير عن زمنا وكل جيل والو متطلباتو هيك فهمونا في المدرسه لا تطلع علي ولا على بالك ....
الرجل : قال زمن قال قم قامت قيامتهم اليهود .... بس تعرف شغله انو لسا في عندهم شوية نخوة وطنية ... هي الي كاسر ركبتي ... المهم شوف هاد الشب الي مارق سيدو كان معي يشتغل في البيارة وكنا صحبة ....
انا : عمي بدي اروح انا شايك مشروب بدي اشوف شغلي بس بدي اقعد معك مرة تانية ... طيب ؟؟؟
الرجل : طيب ماشي انا هيني هان وينتا بدك ... مع السلامه سلم ..
غادرت من عند الرجل افكر بكلامته اجوبها ... ولم افهم بعد ماذا يقصد عن اختلاف الزمن ... الرجل خالط الكثير ويحوي الكثير من ذكريات وجرح لم يلتئم .....
يتبع
سلملم

:cheers:

صديقي رحل الاجداد والاباء ولم يبقى الا مجدهم ولم يبقى الى ما صنعوه لأجلنا لكن يا رفيقي عار علينا عار نحن ابناء فلسطين للوثنا اكفانهم بتخاذلنا لما يحصل بغزة صديقي عصر هذا الشيخ هو العصر الفلسطيني اما عصرنا فلا معنى له سوى العار

يسلمووووووووووووووووووووو

شكرا لكل من مر .......
سلملم

في ظل الظروف التي نمر بها حاليا ... مرحلة شتات بين الضمير وصاحبه ... لا اعلم هل هي المقولة الصحيحة ام لا .. عجلة الزمان تدور مسرعه .... والشاطر الي بلحقها ...
انا : السلام عليكم يا ختيار ...
الرجل : وعليكم السلام " ختيار اوعك لتسمعك ام محمد تلطشك بالقلايه ... اه شو اخبارك ...
انا : من الله بخير شو اخبارك وشو اخبار الوضع تلاك ...
الرجل : وضع شو يبني ... شوف الاخبار بتعرف شو الوضع ... اطفال بموتو في حضن امياتهم ... شباب بتقطعوا اجريهم واديهم من القنابل الي بترميها اسرائيل ... وضع بستفز الميت مش العايش بس ... وفي الاخير ما في حل .. ما في شي كل يوم بتزيد الحاله سوء .. والعرب كل يوم بدعوا لقمة وعلى الفاضي حتى مع بعضهم متخالفين ... بدك يوقفو معنا ... هيو اسمعت انو واحد من هدول الكلاب جلعاد . كان في مصر ... وضحك على اللحة ... انا عارف يبني كلها مسخرة في مسخره .. قضيتنا لا يملكها الا شعبنا ... وما بحك جلدك الا ضفرك ...
انا : شوية شوية عمي مش قد الكلام هاد انا ... زمان قالولنا مثل انجليزي " فرق تسد" وكان هدف حط اسرائيل في نصنا احنا العرب مشان هيك ... وقدرت اسرائيل على مر العصور ان تحقق المصالحها مع الدول العربية ... وتشتتهم ... زي مفتاح لباب ... وتنساش كمان شو مخطط اسرائيل والي بتسعى الو من نهر دجلى والفرات لحد السعوديه وتلف على سينا ... بدها تحتلو وكانت البدابه فلسطين ...
الرجل : مزبوط العلم الاسؤئيلي بدل على هيك من النهر للنهر ... تركنا من السياسه شوية لانها بتوجع الراس .. هلا قلي شو الي صار قبل يومين هون واستشهد الولد من دار ابو الاعرج ...
انا : صلي على النبي ... كانو تلات شباب بدهم يضاربو على الخط .. وانتا بتعرف اهل بلدنا كل واحد بحكيلك قصه ... بس الي انا متاكد منها .. كان الشب مكلبش ومرق مستوطن واطلق عليه النار وقتلو .. اعدام ... واخذوه اليهود لمستشفياتهم مشان شو عشان يوخدو من اعضاءو ... وهيهم روحوه اليوم كمان شوي بدها تطلع مسيرة ... الله يصبر اهلو
الرجل : احنا يبني بلادنا هاي رباط ليوم الدين مشاكل وانتفاضات ومقاومين ... يعني راح انضلنا انضحي في رواحنا لاجل هل الوطن ... على اليوم لو ارجع في الزمن كم سنه لورا لكان اخترتها هل الموته ... آآآه ...وطني باعوك بارخص ثمن... انت بعيوننا يا وطني...اه يا وطني...كم طفل بعمر الورد قد قتلوا...لكم الجنه يا اطهر طيور وطني ...ليتني رصاصه..لامزقهم اشلاء
كما يمزقوا اطفالنا....ليتني قنبله...او صاروخ...اه....اه ياوطني....ليتني حجرا....في يد طفل....اه يا وطني .
قال هذه الكلمات كأن جرح عميق لمسته ... الذي اعلمه اننا فلسطينيين قد نعيش وقد نموت ... مصابنا واحد الا اننا لا نعي ما هي امانة هذا الوطن كما رواها لو بجزء صغير هذا الختيار ... لقد تألم بشكل كبير ... وكلنا كذلك ... ان بحثت في داخلك .. ستجد جرحا كما جرح الختيار ... ولكن مع تفشيه سيكون قد سرد ملايين القصص ... جيل تلو حيل ... جرح لن يلتئم ....
..............................................................................................................
يتبع
سلملم