رعـــشة الفراق

بين حلمي والثريا مثل حزنـي مانكتـب
بين عيني وامنياتي يشتعل فينـي حنيـن

كن ليله لاتوقـد يكتـم انفاسـي عتـب
والزمان اللي جمعنا ليه شمسه ماتبيـن

رعشة الفرقا حزينه بين جفني والهـدب
والمسافه في عيوني دربها دايم حزيـن

آه من هم ٍ بقلبي شاعـلٍ فينـي لهـب
اخر امالي تهـاوت والله الواحـد يعيـن

من عرفت اني خسرتك صارت ايامي تعب
والالم فيني تمكن من يسار ومـن يميـن

تصدق اني لاذكرتك كـل كلـي ينتحـب
آه من قلبٍ تعذب في غلا عينك سجيـن

الذهب غالي ولكن مـن تولـع بالذهـب
مايشده بالمعادن يازمـن غيـر الثميـن

يازمن كافي عذابك يازمن كلـك غضـب
ماكفاك اني عطيتك فرحتي ذيك السنيـن؟

الأمل باكر تزاحم في سما همـي سحـب
تمطر الفرحه وترحل غيمه الهم الدفيـن

رعشة الفرقا حزينه بين جفني والهـدب
والمسافه في عيوني دربها دايم حزيـن

آه من هم ٍ بقلبي شاعـلٍ فينـي لهـب
اخر امالي تهـاوت والله الواحـد يعيـن

كلام رائع يا عمرو والله رائع جدا عجزت الكلمات عن التعبير
على هادى
الكلمات الرائعة بى الفعل والله لا يجيب فراق ومايحرم حد من الانسان لا بحبو تقبل تحياتى يا عمرو مرام غزة