موال العشاق

موال الشوق والليل ... ياليل
موال وطريقي طويل ... ياليل
للي غايب وساب لي طيفه في عيني ذايب
واللي ناسي واللي فات بعده حبايب

أبعث موال لعيونه الحلوة
وأبعث مرسال واكتب له سلامي في غنوة ..
موال للشوق والليل ..
موال وطريقي طويل ياليل ..

ذبلانه خدود الفرحة ..
مقتولة في عيني الأحلام ..
مطفيه شموع لياليه ..
منسية في عمري الأيام ..
من يوم ماحبيبي غاب عني ..
خذ روحي وعمري بعيد عني ...

أبعث موال لعيونه الحلوة
وأبعث مرسال وهكتب له سلامي في غنوة ..
موال للشوق والليل ..
موال وطريقي طويل ياليل ..

موال وعيونه حدانا ..
موال خايف ينسانا..
وظنوني عليه شغلوني ..
من يوم طول ماجانا ..
يارب يكون شوقي داري به ..
ولاينسى فــ يوم اني حبيبه ..

أبعث موال لعيونه الحلوة
وأبعث مرسال واكتب له سلامي في غنوة ..
موال للشوق والليل ..
موال وطريقي طويل ياليل ..